Regionlarda ikitəkərli elektrik nəqliyyatı vasitələrinin icarə məntəqələrinin yaradılması(kənd yerlərində müəllim və məktəblilərin vaxtdan səmərəli istifadəsi məsələləri təhlil edilir)

Abstract

Hazırda Azərbaycanda mikromobil nəqliyyat növləri (elektrikli velosipedlər, elektrik skuterlər, mopedlər) fəal şəkildə inkişaf edir. Azərbaycan bazarında kikşerinq və veloşerinq xidmətləri - skuterlərin, elektrik skuterlərin, velosipedlərin və elektrik velosipedlərinin qısamüddətli icarəsi sistemləri fəal şəkildə təbliğ olunur. Məsələn, “Uber” taksi xidməti enerji doldurma stansiyalarına qədər müstəqil şəkildə hərəkət edə biləcək pilotsuz skuterlər və velosipedlərin işlənməsi ilə məşquldur. Rusiyanın “Sibir” şirkəti isə Bakıda mikromobil nəqliyyat layihəsi həyata keçirir. Azərbaycanda ikitəkərli nəqliyyat vasitələri istifadəçilərinin və mikromobil nəqliyyat vasitələrinin icarəsi məntəqələrinin sayı günü-gündən artır. Bu baxımdan regionlarda ikitəkərli elektrik nəqliyyat vasitələrinin icarə məntəqələrinin yaradılmasının tədqiqi xüsusi aktuallıq kəsb edir