Universitetlərdə kariyera və məşğulluq üzrə yerinə yetirilən işlərin dəyərinin təhlili (AzTU timsalında)

Abstract

İşsizlik, dünyada, eləcə də ölkəmizdə ən böyük sosial məsələlərdən biridir. Ali təhsili olanlar arasında də işsizlik dərəcəsinin olması bu məsələyə universitet səviyyəsində diqqət ayırmağı vacib edir. İşəgöturənlərin əmək təcrübəsi tələb etməsi və rəqabətliliyin artması universitetlər daxilində karyera mərkəzlərinin aktiv fəaliyyətini labüd edir. Universitetlərdə karyera və məşğulluq üzrə aparılan işlərin əhəmiyyəti ölkədə savadlı kadrlara ən münasib işlərin tapılması və karyera quruculuğunda, eləcə də onun inkişaf etdirilməsində olduqca böyükdür. Azərbaycanda bir neçə ali təhsil müəssisəsi bu işi beynəlxalq standartlara uyğun olaraq strategiya formasında tətbiq etməyi bacarır. Bu universitetlər karyera və məşğulluq üzrə yerinə yetirilən işlərin ölkədə yaratdığı dəyəri təhlil edərək aşkarlanmış problemlərin həlli istiqamətində ciddi addımlar atır. Tədqiqat işində beynəlxalq təcrübə öyrənilərək ölkədəki ali təhsil müəssisələri üzrə araşdırma aparılmışdır. Bu səbəbdən, bu tədqiqat işində Azərbaycan Texniki Universitetində karyera və məşğulluq üzrə yerinə yetirilən işlərin yaratdığı dəyərin ölçülməsi və təhlil edilərək inkişaf etdirilməsi əsas məqsəd kimi qarşıya qoyulmuşdur. Bu baxımdan, Azərbaycan Texniki Universitetinin son beş il məzunlarının arasında sorğu əsaslı databazasının təhlil edilmiş və qiymətləndirilmişdir.