Küçə-yol şəbəkəsinin sıxlığı ilə bağlı problemlərin müəyyənləşdirilməsi, onun nəqliyyat və iqtisadi infrastrukturunun dayanıqlı inkişafına təsiri (Bakı şəhəri timsalında)

Abstract

Yüksək keyfiyyətli nəqliyyat infrastrukturunun inkişafı iqtisadi artım və əhalinin həyat keyfiyyəti üçün getdikcə daha çox əhəmiyyət kəsb edir. Nəqliyyat infrastrukturu şəhərləri birləşdirən və insan fəaliyyətini dəstəkləyən, sosial, iqtisadi və ekoloji sistemləri urbanizasiya və əhalinin artımı ilə əlaqələndirən kompleks şəbəkədir. Bundan əlavə, nəqliyyat şəbəkəsi şəhərdaxili əlaqələrin yaradılması yolu ilə sosial-iqtisadi inkişafa və həyat keyfiyyətinin yüksəldilməsinə töhfə verir. Şəhərlər arasında nəqliyyat infrastrukturu onların inteqrasiyasına, sakinlərin mobilliyinə kömək edir ki, bu da regional və milli iqtisadi inkişafı əhəmiyyətli dərəcədə stimullaşdırır.