Elektrik sistemlərində keçid prosesləri

Abstract

Elektrik sistemi elektroenergetika sisteminin şərti olaraq ayrılmış bir hissəsidir. Bu sistem vasitəsilə elektrik enerjisi istehsal olunur, çevrilir, müxtəlif məsafələrə ötürülür və istehlak olunur.Qəza şəraiti baş verdikdə sistemdə keçid prosesi yaranır və bu prosesin davam etdiyi müddətdə bir rejimdən digərinə keçid baş verir. Elektrik sisteminin iş rejimləri zamanın istənilən anında elektrik sisteminin işini və onun vəziyyətini xarakterizə edən proseslərin toplusudur. Sistemin rejim parametrlərinə gərginlik, güc və digərləri aid olmaqla öz aralarında əlaqəli olan parametrlərdir. Müqavimət, keçiricilik, transformasiya əmsalı, zaman sabiti və digər parametrlər sistem parametrləri adlanır və onlar elementlərin fiziki xassələrinə görə təyin edilir.