Günəş radiasiyasından istifadə əsasında Azərbaycan Texniki Unversitetinin VI tədris korpusunun enerji effektivliyinin artırılması

Abstract

Demək olar ki, bütün ölkələrdə yanacaq və enerji ehtiyatlarına qənaət probleminə böyük diqqət yetirilir. Bu baxımdan, enerji istehlakını azaldan və ənənəvi yanacağa xeyli qənaət etməyə imkan verən, enerjiyə qənaət edən texnologiyaların tətbiqi xüsusi əhəmiyyət kəsb edir. Azərbaycan Respublikasının iqtisadiyyatında enerji və tikinti sənayesi aparıcı sahələrdən biridir. Müasir dövrdə energetikanın və tikintinin inkişafı üçün vacib olan alternativ enerji mənbələrinin istifadəsinin səmərəliliyinin əhəmiyyətli dərəcədə artırılması zərurətidir.