MƏHSUL İSTEHSALINDA KEYFİYYƏTİN İDARƏ OLUNMASI

Abstract

Müasir dövrdə elmi-texniki tərəqqi maşın istehsalından avtomatlaşdırılmış istehsala keçidlə səciyyələnir. İstehsalın avtomatlaşdırılması ilə insanın istehsal prosesində rolu köklü dəyişmələrə məruz qalır. İnsanların istifadə etdikləri bütün maşın və texniki vasitələri fasiləsiz olaraq təkmiləşdirirlər. Onlar istismarda olan maşın və texniki vasitələri daha yüksək dəqiqliyə, istismar göstəricilərinə və məhsuldarlığa malik, insanın fiziki və əqli əməyini daha geniş məkanda əvəz edə bilən yeniləri ilə əvəz edirlər. Bu tədqiqat işində əsas olaraq məhsul istehsalında keyfiyyətin idarə edilməsi, detalların emalı zamanı emal prosesinə təsir edən amillərin aşkarlanması və onların təsirinin azaldılması, statistik ölçmələr, bu ölçmə və hesablamaların kompüter texnologiyaları vasitəsilə avtomatlaşdırılması məqsəd olaraq qoyulmuşdur. İstehsal prosesində qeyd edilən problemlərin araşdırılması və yaxşılaşdırılması çox mühüm rol oynayır. Bu tədqiqat işi bu məsələləri həll edərək mövzuda sahəyə töhfə verməyə çalışır.