Abstract:
Sosial sistemin uğurlu transformasiyası, bazar
münasibətlərinin dərinləşməsi, çoxstrukturlu iqtisadiyyatın formalaşması və
inkişafı ölkəmiz üçün həlledici əhəmiyyət kəsb edən problemlərdir. Onların
həllində həlledici rol dövlətin vəziyyəti və səmərəliliyi ölkənin iqtisadi və sosial
tərəqqi yolu ilə uğurlu irəliləyişini şərtləndirən xidmət sahəsinə aiddir. Bu,
avtomobil nəqliyyatı ilə sərnişinlərin daşınması xidmətlərinin göstərilməsinə
tamamilə aiddir. Məhz buna görə də bazar iqtisadiyyatı şəraitində onların
səmərəliliyinin və rəqabətqabiliyyətliliyinin artırılmasının əsası kimi bu cür
xidmətlərin keyfiyyətinin idarə edilməsinin davamlı olaraq təkmilləşdirilməsi
getdikcə daha zəruri və praktiki əhəmiyyət kəsb edir.
Azərbaycan Respublikasında nəqliyyatın əhəmiyyəti çox böyükdür, çünki
ölkənin müxtəlif bölgələrini vahid dövlətdə birləşdirən nəqliyyat sistemidir. Bu
baxımdan nəqliyyat aparıcı dövlət formalaşdıran amillərdən biridir.
Sərnişin xidmətinin keyfiyyətinin yüksəldilməsi və əhaliyə nəqliyyat
xidmətləri bazarında rəqabət əsasında xərclərin azaldılması məqsədi ilə bütün
nəqliyyat növləri üzrə sərnişindaşıma bazarının marketinq araşdırmalarının
aparılması sərnişindaşıma kompleksinin səmərəli idarə olunmasının zəruri şərtidir.
Nəqliyyat infrastrukturu obyektlərinə qoyulan müasir tələblərin sərnişinlərin
təhlükəsizliyinin təmin edilməsi, eləcə də xidmətin keyfiyyətinin, o cümlədən
əlilliyi olan şəxslər üçün xidmətlərin əlçatanlığının təmin edilməsi ilə bağlı artan
tələbləri əhatə etdiyini nəzərə alaraq, dissertasiya işinin aktuallığı nəqliyyat
müəssisənin sərnişindaşıma xidmətlərinin, “Faiqoğlu” sərnişin daşımaları
4
müəssisəsinin göstəricilərindən istifadə etməklə səmərəliliyi, məhsuldarlığı və
inkişafının təmin edilməsindən ibarətdir.
Tədqiqat aparılarkən, avtobus sərnişin daşımalarında nəqliyyat prosesi və
onun elementləri müəyyən edilmiş, sərnişin daşıma prossesinin xarakteristikaları
və optimallaşdırma meyarları təhlil olunmuş, Faiqoğlu şirkətinin xidmət göstərdiyi
avtobus marşrutlarının texniki istismar göstəriciləri qiymətləndirilmiş və Faiqoğlu
sərnişin daşıma müəssisəsinin sərnişin daşımalarının tənzimlənməsi üsulları
təkmilləşdirilmişdir.
Except where otherwise noted, this item's license is described as Attribution-NoDerivs 3.0 United States