PİLOTSUZ UÇUŞ APARATLARININ ENERJİ TƏMİNATINI VƏ ETİBARLILIĞINI İDARƏETMƏ MƏSƏLƏLƏRİNİN ANALİZİ

Abstract

PUA-lar pilotlu təyyarələrin əvəzinə çirkli, təhlükəli, uzun və yorucu tapşırıqları az maliyyə tələbi və risksiz olaraq həyata keçirir. Buna görə də son zamanlar PUA-ların istifadə sahəsi genişlənir. Lakin PUA-lardan istifadə zamanı qısa uçuş vaxtı və məhdud enerji kimi bir sıra problemlər mövcuddur. Dissertasiya işində PUA-ları gücləndirən elektrik enerjisi mənbələrini və enerji idarəetmə strategiyalarını nəzərdən keçirərək, enerji mənbələrinin seçilməsini asanlaşdırmaqla PUA-lar üçün yüksək performanslı elektrik mühərrik sistemlərinin inkişafı üçün başlanğıc baza təmin etməyə çalışmışıq. Bu məqsədlə MATLAB proqramından istifadə edərək qeyri- səlis idarəetmə modelinin tədqiq etmişik.