RADİOMANEƏLƏR VƏ ONLARIN ARADAN QALDIRILMASI ÜSULLARININ TƏHLİLİ

Abstract

1. Radiomaneələr radio qəbuledicinin giriş dövrəsində faydalı siqnalın düzgün qəbuluna mane olan və ya siqnalla funksional asılılıqda olan elektrik vəya elektromaqnit təsirləridir. 2. Radio maneələr qəbul edilən siqnalın keyfiyyətini və onun verilmə uzaqlığını məhdudlaşdıran mühüm səbəbdir. 3. Radio maneələr yaranma səbəbindən və mənbəyin tipindən asılı olaraq sənaye, kosmik , atmosfer radiomaneələrinə, başqa radio stansiyaların yaratdığı, bilərəkdən və ya süni yaradılan radio maneələrə, eləcə də radio dalğalarını qəbul edən radiotexniki quğuların öz küylərinə ayrılır. 4. Xarici və daxili radiomaneələrin təsiri nəticəsində siqnalın forması təhrifə məruz qalır. Nəticədə informasiyanın səlis və dəqiq qəbulu prosesi xeyli mürəkkəbləşir. 5. Radiomaneələri aradan qaldırmaq üçün rabitə sisteminin maneələrə dayanıqlıq xarakteristikalarını artırmaq lazımdır. 6. Koaksial fiderlər vasitəsilə qəbulediciyə ötürülən siqnalın keyfiyyətini yaxşılaşdırmaq və radiomaneələrin təsirlərini azaltmaq məqsədilə ekranlama prosesindən geniş istifadə olunmalıdır. 7. Qəbulediciyə radiomaneələrin təsirini azaltmaq üçün siqnal/küy nisbətini artırmaq lazımdır. 8. Radiomaneələrin neqativ təsirlərininən effektiv metodlarından biri radiovericinin gücünün artırılmasıdır. 9. Radiomaneələrdən mühafizə üsullarından biri də radio qəbuledicinin selektivliyini (radio maneələrdən tələb olunan siqnalları ayırmaq qabiliyyəti) artırmaqdır. 10. Parametrik gücləndirici və kvant generatorlarından (mazer) istifadə etməklə radiomaneələrin təsirini nəzərə çarpacaq dərəcədə azaltmaq mümkündür.