Qablaşdırma məhsullarının istehsalında fleksoqrafik çap keyfiyyətinin təmin olunması

Abstract

Fleksoqrafik çap prosesinin əsas xüsusiyyətinin aniloks valın funksiyasından asılı olduğu müəyyən olunmuşdur. Çap formasındakı boya təbəqəsinin qalınlığı aniloks valdan ötürülən boyanın miqdarının silindrlərin kontakt nöqtələri arasında daşınma vaxtından asılıdır. Boyanın kontakt sahəsində qət etdiyi yol kontakt nöqtələri arasındakı qövsün uzunluğuna bərabərdir və müvafiq mərkəzi bucağın qiymətindən asılı olaraq müəyyən edilir. Boyanın daşınma müddətinin normadan çox olması onun aniloks valın hücrələrində bərkiməsinə səbəb olur. Çap edilən substratın səthinin kələ kötürlüyünün artması onun səthində boya qatının qalınlığının artmasına səbəb olur. Boya qatının qalınlığının artması optik sıxlığın və qradasiyanın ötürülməsi göstəricisinin artmasına səbəb olur. Fleksoqrafik çap prosesində orijinalın optik sıxlığından asılı olaraq substratın səthinin kələ kötürlüyü müəyyən edilərək seçilməlidir. Təklif olunan hesablama metodları fleksoqrafik çap prosesində boya sərfiyyatını daha dəqiq müəyyən etməyə və təsvirin optik sıxlığından asılı olaraq substratın düzgün seçilməsinə imkan verir.