Big data texnologiyalarında data mining metodlarının tətbiqi

Abstract

Disertasiya işi bank sektorunda Data Mining metodlarının tətbiqi ilə məlumatların effektiv şəkildə analiz edilməsi və işlənməsi məsələlərinə həsr edilmişdir. Bu tətbiqlər şirkətlərin məlumatları daha ətraflı şəkildə emal edilməsi, proqnozların verilməsi, müştərilərin davranışlarını müəyyən edilməsinə və iş proseslərini təkmilləşdirilməsinə kömək edir. Bank işinin planlaşdırılması gələcək üçün hədəflərin müəyyən edilməsi və onlara nail olmaq yollarının işlənib hazırlanması prosesidir. Risklərin idarə edilməsi bank fəaliyyətinin hərtərəfli və kompleks qiymətləndirilməsini - güclü və zəif tərəflər, təşkilati və bankın strukturu, maliyyə nəticələri, kadr siyasəti, nəzarət funksiyalarını tələb edir. Əsas məqsəd, bank sahəsində Big Data və Data Mining texnologiyalarının tətbiqi ilə bank sektorunun effektiv idarə ediməsidir. Dissertasiya işində banklarda müştəri tələblərinin daha yaxşı anlaşılması, maliyyə risklərinin daha effektiv idarə olunması, yeni maliyyə məhsullarının inkişafı və bankların strateji qərarlarında biliyə əsaslanan məlumatların istifadə edilməsinin təsirini qiymətləndirilməsi məsələlərinə baxılır. Nəticə olaraq, bu disertasiya işi, bank sahəsində Big Data və Data Mining texnologiyalarının tətbiqi ilə bankların maliyyə sektorunda effektiv məlumat idarəetməsinin və inkişafının artırılması üçün vacib olan biliyə əsaslanan qərarların qəbul edilməsinə kömək edir.