E-davamiyyət qeydiyyat sistemlərinin işlənməsi

Abstract

Layihəmizdə ilkin mərhələdə məlumatların təhlükəsizliyi və inteqrasiyası üzərində fokuslandıq. İstifadəçi məlumatlarının users cədvəlində saxlanılmasının təhlükəsizliyini təmin etmək üçün bir neçə təhlükəsizlik tədbiri həyata keçirdik. Şifrələrin məxfi saxlanılması üçün bcrypt alqoritmi ilə şifrələmə həyata keçirdik. Bu yanaşma, istifadəçilərin şifrələrinin təhlükəsiz şəkildə saxlanılmasını təmin edərək, məlumatların kənar müdaxilələrə qarşı qorunmasını təmin edir. Xarici açarların (foreign key) düzgün işlədiyini və məlumatların tutarlılığını qoruduğunu yoxlamaq üçün müxtəlif sınaqlar aparıldı. Bu testlər nəticəsində, məlumatların itkisinin və ziddiyyətlərin qarşısının alındığı və məlumatların təhlükəsiz saxlanıldığı təsdiqləndi. Testlər göstərdi ki, xarici açarların istifadəsi məlumatların əlaqələndirilməsi və inteqrasiyası baxımından effektivdir və məlumatların bütövlüyünün təmin edilməsinə kömək edir. Bu mərhələdə, məlumatların təhlükəsizlik tədbirləri ilə qorunması və təhlükəsizlik standartlarına uyğunluğun təmin edilməsi üçün əlavə sınaqlar və yoxlamalar həyata keçirildi.