Abstract:
Tullantıların idarə olunması, müasir dövrün ən önəmli ekoloji problemlərindən biridir. İqtisadiyyatın inkişafı və əhalinin artımı ilə paralel olaraq, tullantı miqdarının artması sürətlənir və bu, ətraf mühitə olan təsirini daha da gücləndirir. Tullantıların yandırılması və emalı texnologiyaları, artan tullantı miqdarı ilə mübarizədə önəmli metodlar kimi önə çıxır. Bu metodlar, tullantıların həcmi və zərərli təsirlərini azaltmağa yönəlik çox vacib addımlardır. Buna baxmayaraq, bu texnologiyaların özləri də müxtəlif ekoloji problemlərə səbəb ola bilər. Məsələn, tullantıların yandırılması zamanı atmosferə buraxılan zərərli qazların miqdarı və təsiri, emal prosesində istifadə olunan kimyəvi maddələr və onların ətraf mühitə təsiri diqqətə layiqdir. Bu səbəbdən, tullantıların yandırılması və emalı texnologiyalarının ətraf mühitə təsirinin dəqiq və əhatəli şəkildə qiymətləndirilməsi xüsusi əhəmiyyət kəsb edir.Bu dissertasiya işi, tullantıların yandırılması və emalı proseslərinin ətraf mühitə olan təsirlərinin müfəssəl şəkildə araşdırılmasına və qiymətləndirilməsinəhəsr olunmuşdur.
Except where otherwise noted, this item's license is described as Attribution-NoDerivs 3.0 United States