Azərbyacan nəqliyyat-logistika sisteminin transmilli şirkətlərə təsir

Abstract

Nəqliyyat - Logistikanın inkişaf etməsi ölkə iqtisadiyyatı üçün mühüm əhəmiyyət kəsb edir. Son zamanlar nəqliyyat – logistika sistemi aktual məsələlərdən biridir. Burada vacib məsələlərdən biri mal və xidmətlərin dəyərinə bir başa təsir göstərən istehsal və son istehlakçıya çatdırılma zamanı xərclərin azaldılması məsələsidir. İqtisadiyyat inkişaf etdikcə logistikaya tələbat artır. Logistikada mənfi hal kimi qeyd edilən əsas məsələlərdən biri kimi tələb olunan nəqliyyat infrastrukturunun olmamasıdır. Ölkəmizdə son zamanlar avtomobil və dəmir yolu nəqliyyatı infrastrukturunun inkişafı üçün ciddi tədbirlər sistemi həyata keçirilmişdir və eyni zamanda keçirilməkdədir. Belə ki, logistika xarici-iqitsadi əlaqələrin qurulmasında, daşımalar zamanı vaxt itkisinin azaldılmasında, valyutanın həcminin yüksəldilməsində o cümlədən də tranzit potensialın artırılması və tranzit mövqeyin gücləndirilməsində önəmli faktor rolunu oynayır. Buna görə də ölkəmizdə bu kimi müsbət nəticələrin əldə olunması üçün çox mühüm əhəmiyyətli layihələr həyata keçirilir. İqtisadi inkişaf proseslərinin tənzimlənməsində islahatların sürətləndirilməsi bir çox sahələrlə yanaşı, nəqliyyat sisteminin inkişafı ilə bağlıdır.