Qarabağ iqtisadi rayonunda turizmin marketinq aspektlərindən tədqiqi istiqamətləri

Abstract

Turizm yerli və regional səviyyədə, eləcə də milli səviyyədə sosial siyasətə əhəmiyyətli təsir göstərir. Son illər hökümətin səyləri nəticəsində Azərbaycan dünyada yeni turizm məkanı kimi tanınmağa başlayıb və onun dünya turizm sənayesinə inteqrasiyası təmin edilib. Qarabağ bölgəsinin turizm sənayesi çox böyük potensiala malikdir. Qarabağ bölgəsinin olduqca zəngin, mənzərəli, misilsiz təbiətə və tarixi abidələrə malik olduğunu nəzərə alsaq, bu regionun Azərbaycanın əsas turizm zonalarından birinə çevrilməsi ehtimalı yüksəkdir. Bu regionda ekoturizm, mədəni turizm, mağara turizmi, termal turizm və digər alternativ turizm növləri üçün böyük potensial var. Rayon müxtəlif flora və faunası, əsasən dağlıq ərazisi, cəlbedici təbiəti, min illik abidələri və zəngin mədəni irsinin zənginliyi ilə diqqət çəkir.