Elektromobillərin əsas texniki xarakteristikalarının seçilməsi və onların yaxşılaşdırılması üsullarının tədqiqi

Abstract

Qlobal istiləşmənin getdikcə artan fəsadlarını, atmosferə buraxılan zərərli qazların səviyyəsini azaltmaq üçün təxirəsalınmaz tədbirlər görmək zəruridir. Karbon emissiyalarının azaldılması üçün əsas prioritet istiqamət daxili yanma mühərrikli avtomobillərin elektromobillər ilə əvəz olunması və qurğularında elektrik enerjisindən istifadəni aktuallaşdırmaq lazımdır. Hazırda avtomobil sənayesi üzrə qabaqcıl ölkələrdə alternativ enerji mənbələrindən istifadə etməklə elektromobil sənayesinin gələcək inkişafı üçün bir sıra araşdırmalar həyata keçirilir. Avtomobillərin ətraf mühitə zərərli təsirlərini azalatmaq üçün bu üsulla əldə edilmiş enerji ilə işləyən elektromobillər perspektivli hesab edilir. Benzin ilə işləyən avtomobillər və dizel mühərrikli avtomobillər güc mənbəyi kimi yanacaqdan istifadə etdiyi üçün ətraf mühitə bir çox ziyanlar vurur. Zərərli qazlarla atmosfer qazlarının çirklənməsi ilə bərabər, istixana qazlarının emissiyalarının artması və yanacaq təminatı xərclərində də artım müşahidə olunur. Mütəxəssislərin tədqiqatları nəticəsində yaxın gələcəkdə bu avtomobillərin ekologiyaya təsirinin 50%-ə qədər çatacağı güman olunur. Gələcəkdə daha təmiz ekologiyaya sahib olmaq üçün bu problemlərin az xərclər ödəmək ilə azaldılması təmin olunmalıdır. Bunun yollarından biri ekologiya dostu avtomobillərin istehsalı və istifadəsini artırmaqdır. Bütün bu parametrlərin analizinin nəticəsi olaraq gələcəkdə daha təmiz ekoloji mühitə sahib olmaq, maliyyə böhranın baş verməməsi üçün xərclərin azaldılması, tükənən və bərpa olunmayan enerji mənbələrindən istifadənin azaldılması, eyni ilə dayanıqlı nəqliyyat vasitələri ilə təminata ehtiyac olduğu məlumdur. Sadalanan göstəricilər plug-in, hibrid və litium-ion batareyalı elektromobillər kimi təmiz enerji mənbəyinə sahib avtomobillərin istehsalını və geniş şəkildə istifadəsini labüd etdi. Elektromobillər yenidən yüklənə bilən akkumulyator və elektrik mühərriki ilə işləyir. Bu avtomobillər ekoloji cəhətdən təmiz olduğu üçün irəliləyən dövrlərdə təhlükəsiz enerjinin inkişafına yön verəcək. Sürücülərin bir hissəsi ənənəvi nəqliyyat

6 növləri əvəzinə elektromobillərdən istifadəyə üstünlük verərsə, qlobal istiləşmənin, CO2 qazının azaldılması və şəhər ekosisteminin çirklənmə səviyyəsinin enməsinə töhvə verəcəkdir.