KİÇİK ŞƏHƏRLƏRİN AVTOBUS-MARŞRUT ŞƏBƏKƏSİNİN İŞİNİN TƏKMİLLƏŞDİRİLMƏSİ İSTİQAMƏTLƏRİ

Abstract

Şəhərlərdə sərnişin axının idarə edilməsi və ictimai nəqliyyatın hərəkətinin optimallaşdırılması müasir urbanizasiya problemlərinin ən aktual, dinamik məsələlərindən hesab olunur. Digər sahələr kimi nəqliyyat sahəsi də texnoloji yeniliklərin müsbət təsirinə məruz qalmaqdadır. Bütün bunlar şəhərlərin infrastrukturuna və əhali sayına əsaslanaraq yeni ictimai-nəqliyyat şəbəkələrinin yaradılması məsələlərini gündəmə gətirir. Hal-hazırda şəhəriçi yollarda sıxlığı aradan qaldırmağın ən optimal variantı düzgün ictimai-nəqliyyat şəbəkələrinin seçilməsi, paylanması və düzgün idarə edilməsindən asılıdır.Bu tədqiqatın əsas məqsədlərinə kiçik şəhərlərdə ən optimal avtobus-marşrut şəbəkələrinin yaradılması, onların effektivliyinin artırılması və sərnişindaşımalarda yeniliklərin tətbiqi kimi məsələlər aiddir. Sadalanan məqsədlərin reallaşdırılması yönündə aşağıdakı vəzifələrin icrası planlaşdırılmışdır: - Şəhərlərin əhali sayına, yerləşdiyi coğrafi mövqeyinə (relyef və landşaft quruluşu) uyğun avtobus-marşrut şəbəkəsini qurmaq və nəqliyyat vasitəsini seçmək; - Dünya təcrübəsindən istifadə etməklə yeni sərnişindaşıma modellərini araşdırmaq və onların tətbiqi istiqamətində tədbirlər planı hazırlamaq; - Nəqliyyatın idarə edilməsi məsələlərində texnologiyadan və süni intellektdən istifadə etmək. Tədqiqatın nəzəri və metedoloji əsasları.