KİÇİK ŞƏHƏRLƏRİN NƏQLİYYAT SİSTEMİNİN RƏQƏMSAL ƏKİZİNİN YARADILMASI (AZƏRBAYCAN ŞƏHƏRLƏRİNDƏN BİRİNİN NÜMUNƏSİNDƏ)

Abstract

1.Şəhərlərin nəqliyyat şəbəkələrində nəqliyyat axınlarını, ictimai nəqliyyatın fəaliyyətini, piyada hərəkətini, parklanma şəraitini imitasiya etmək üçün müxtəlif proqramlarda yaradılmış mikro və makromodellərdən istifadə edilir. Makromodellərdən istifadə edilməsi şəhər zonaları arasında bütün yerdəyişmələri kifayət qədər detallı şəkildə təsvir etmək imkanı yaradır. 2.PTV VİSUM şəhərlərin makromodellərinin yaradılmasında istifadə olunan yeni və səmərəli bir alətdir. Onun istifadə edilməsi şəhərlərdə hərəkətliliyin qiymətləndirilməsi, yerdəyişmələrin nəqliyyat növləri arasında bölüşdürülməsi məsələlərini kifayət qədər dəqiqliklə analiz etməyə imkan yaradır. 3.PTV VİSUM proqramının köməyi ilə şəhər mirkrorayonunun rəqəmsal modelinin yaradılması üçün xəritələr üzərində iş, proqramın alətlərindən istifadə ardıcıllığı, yol ayrıcları, dayanacaq məntəqələrinin iş parametrlərinin daxil edilməsi metodikası verilir və bu istiqamətdə aparılan tədqiqatlar zamanı istifadə edilə bilər 4.Şəhər nəqliyyat şəbəkəsinin rəqəmsal əkizinin (makromodelinin) yaradılması üçün Bakı şəhərinin Yasamal rayonu seçilmiş və 4 əsas zonaya bölünmüşdür. Zonaların mərkəzləri, hərəkətə başlama və bitirmə nöqtələri, sorğu nəticəsində alınmış rəqəmlər əsasında hərəkətin əsas parametrləri daxil edilmişdir. 5.Yaradılmış modelin sınaqları ilə zonalar arası gedişlərdə vaxt itkiləri gedişlərin növləri üzrə müəyyən edilmiş və yaradılan modeldə edilən dəyişikliklərin real nəqliyyat şəbəkəsinin planlaşdırılmasında istifadə üçün tətbiqi məqsədəuyğun hesab edilmişdir.