KOMPÜTER ŞƏBƏKƏLƏRİNİN KİBERTƏHLÜKƏSİZLİYİNİN MONİTORİNQİNƏ SÜNİ İNTELLEKT TEXNOLOGİYALARININ TƏTBİQİ

Abstract

Bu magistr dissertasiya işində kompüter şəbəkələrinin kibertəhlükəsizliyinin monitorinqinə süni intellekt texnologiyalarının tətbiqi ilə bağlı məsələlər müzakirə olunmuşdur və əsas diqqət maşın təlimi və dərin təlim üsulları istifadəsi ilə modellərin yaradılmasına yetirilir. İşdə qarşıya qoyulmuş bir neçə məsələ istiqamətində tədqiqatlar aparılmaqla aşağıdakı nəticələrlə yekunlaşmışdır: ➢ Kompüter şəbəkələrinin kibertəhlükəsizliyi və mövcud monitorinq texnologiyaları analiz edilmişdir. ➢ Süni intellektin əsas üsulları və onların kibertəhlükəsizlikdə tətbiqi analiz edilmişdir. ➢ Kompüter şəbəkələrində müdaxilələrin dərin təlim əsasında aşkarlanması modeli işlənilmişdir. ➢ Kompüter şəbəkələrində anomaliyaların maşın təlimi əsasında aşkarlanması modeli işlənilmişdir. ➢ Kompüter şəbəkələrində zərərli proqramların dərin təlim əsasında aşkarlanması modeli işlənilmişdir. ➢ İşlənmiş modellərin effektivliyinin və dəqiqliyinin qiymətləndirməsi üçün açıq verilənlər dəsti üzərində eksperimental analiz aparılmışdır.