OYUNLARIN YARADILMASI MƏRHƏLƏLƏRİNİN TƏDQİQİ VƏ KİBERTƏHLÜKƏSİZLİK MƏSƏLƏLƏRİNİN ARAŞDIRILMASI

Abstract

İşin adı: Oyunların yaradılması mərhələlərinin tədqiqi və kibertəhlükəsizlik məsələlərinin araşdırılması. Magistr dissertasiyası oyunların yaradılması mərhələlərinin tədqiqinə və kibertəhlükəsizlik məsələlərinin araşdırılmasına həsr edilmişdir. Bu dissertasiya işinin əsas məqsədi oyunların yaradılmasında istifadə olunan texnologiyaların işləmə prinsipi və onlara yönəlmiş kibertəhdidlərin qarşısının alınmasına yönəlmiş məsələlərin araşdırılmasıdır. İş 3 fəsil, 6 alt fəsildən ibardətdir. I fəsil Kompüter oyunlarının inkişafı adlanır. Burada oyunların inkişafı zamanı istifadə olunan texnologiyalar və bu texnologiyaların gələcəkdə hansı istiqamətə doğru gedəcəyi haqda məlumat verilir. Bu fəsildə, oyun mühərrikləri üzərindən müxtəlif simulyasiyalar həyata keçirilmişdir. Magistr dissertasiyasının II fəsli oyunların qurulmasında test mərhələlərindən bəhs edir. Bu fəsildə, oyunların qurulması zamanı istifadə olunan optimizasiya üsulları analiz edilmiş və testlər həyata keçirilmişdir. Magistr dissertasiyasının III fəsil Oyunların yaradılması zamanı təhlükəsizlik məsələləri üzərindən analiz və tədqiqat aparılmışdır. Bu fəsildə Müxtəlif şifrələmə metodları ilə oyun mühərriki daxilində olan məlumatların şifrələnməsi həyata keçirilmişdir. Dissertasiya işinin sonunda nəticə və təkliflər, istifadə edilmiş ədəbiyyatların siyahısı verilmişdir.