Taksi sürücülərinin ixtisasartırma istiqaməti üçün sərnişin tələbinin qiymətləndirilməsi

Abstract

Tədqiqatın əsas məqsədi Bakı şəhərində mövcud olan taksi fəaliyyətində problemlərin həll edilməsi, o cümlədən sürücülərin marifləndirilməsi, sərnişin tələbinə riayət edilməsi, xüsusilə pik saatlarında şəhərin gündəlik həyat ahənginə mənfi təsir göstərən tıxaclarda səmərəli üsulların seçilməsi, ümumilikdə paytaxtın nəqliyyat sisteminin inkişafının və səmərəli işinin təşkil edilməsi istiqamətində bir sıra mühüm tədbirlər həyata keçirilməsi üçün dünyada müasir sistem və metodologiyalar olaraq qəbul edilən təkliflər və həll yollarının müəyyənləşdirilməsi təşkil edir. Bu məqsədlərə nail olunması üçün bir sıra müasir təkliflər hazırlanaraq, onların üstünlükləri izah edilmiş və tətbiqinin zəruriliyi əsaslandırılmışdır. Eyni zamanda, bu sahədə əldə olunmuş müsbət nəticələrin effektivliyinin artırılması, nəqliyyatın hərəkətinin tənzimlənməsi, sərnişin daşıma marşrutlarının optimallaşdırılması və idarə olunmasının müasir tələblərə uyğun qurulması, ümumilikdə ən müasir texnologiyalar tətbiq etməklə taksi fəaliyyətinin təkmilləşdirilməsini təmin edəcək konkret, real və faktiki şəraitə uyğun həll yolları irəli sürülmüşdür. Həmçinin, Dissertasiya işinin əsas məqsədi taksi fəaliyyətinə artan sərnişin tələbatının təmin edilməsi, dayanıqlı nəqliyyat sisteminin yaradılması, taksi fəaliyyətilə sərnişindaşıma ehtiyaclarının təmin olunması, şəhərin sərnişindaşıma potensialının artırılması, nəqliyyat xidmətlərinin keyfiyyətinin artırılması, sərnişin daşımalarında nəqliyyat xərclərinin azaldılması yolu ilə ölkənin yüksək sosial-iqtisadi inkişafının təmin olunmasından ibarətdir.