İoT texnologiyası ilə təchiz edilmiş sağlamlıq monitorinq sistemində məlumat təhlükəsizliyi və verilənlərin təhlili

Abstract

Dissertasiya işində İoT texnologiyasının səhiyyə sahəsində tətbiqi, sağlamlıq monitorinq nümunələri, xəstələr xəstəxanalar və tibb işçiləri üçün hansı nəticələrə malik olduğu araşdırılmışdır. Sağlamlığın uzaqdan monitorinqi, səhiyyədə İoT-nin izlədiyi proseslər, üstünlükləri, səhiyyəyə hansı istiqamətlərdə təsir etdiyi məsələlərinə baxılmışdır. Baxılan məsələlərdə İoT-dən istifadənin faydaları, cihazların tibbi xidmətin keyfiyyətini artırması, bu texnologiyanın səhiyyədə tətbiqinin xəstələrin sağlamlığına necə köməklik göstərdiyi, səhiyyə sistemində işçilərin məhsuldarlığını yüksəltdiyi məsələlər aydın olmuşdur. Həmçinin səhiyyə sahəsində istifadə olunan sensorlardan, onların təsnifatı və xüsusiyyətlərindən, sensorların səhiyyə sahəsində yenilikləri araşdırılmışdır. Araşdırmalar nəticəsində tibbdə istifadə olunan sensorlar sayəsində daha tez və dəqiq məlumatları əldə etmək, xəstəliklərin erkən aşkarlanması, lazım gəldikdə tibb işçilərinin xəstəyə uzadan müdaxilə etməsi kimi məsələlər aydın olmuşdur. Bundan əlavə olaraq biz sağlamlıq monitorinq sistemində təhlükəsizlik məsələsinə toxunmuşuq. Fiziki və məlumat təhlükəsizliyində hansı təhlükələr var və onlara qarşı hansı təhlükəsizlik tədbidlərini görmüşük onları qeyd etmişik. Əlavə olaraq hazırladığımız praktiki işdə biz real təhlükələrdən biri olan fişinq üsulunu tətbiq etmişik. İoT ilə əldə edilmiş tibbi verilənlərin təhlili üçün müasir həll üsulları araşdırılmışdır. Kənar və bulud hesablamaların birgə istifadəsilə real vaxt rejimində effektiv təhlil üsulu təklif olunmuşdur ki, bu da xərclərin və sürətin artırılmasında böyük əhəmiyyət daşıyır. ML alqoritmlərinin İoT verilənlərinə necə tətbiq olunacağı araşdırılmışdır. Super vektor maşını alqoritmi ilə tibbi məlumat anomaliyanın aşkar olunması üçün təhlil edilmişdir.