Açıq Kodlu Kibertəhdid Kəşfiyyatı Sisteminin İşlənməsi

Abstract

Diplom işi təhdid mühitinin dinamik xarakterini və təşkilatların qarşılaşdığı kibertəhdidlərin artan mürəkkəbliyini araşdırır. Bu təhdidlərin aradan qaldırılmasında kibertəhdid kəşfiyyatı olan CTI-ın əhəmiyyəti vurğulanır və mövzu barəsində olan mövcud tədqiqatları qiymətləndirir. Açıq mənbə təhdid kəşfiyyatının əhəmiyyətini vurğulanaraq, CTI-ın növləri, proses mərhələləri, standartları və platformaları daxil olmaqla, bir çox aspektlər araşdırılır. Bundan əlavə, araşdırma təhdid məlumatlarının səmərəli şəkildə toplanması üçün təşkilatlar, əsasən kiçik və orta müəssisələr tərəfindən istifadə edilən açıq mənbəli kəşfiyyat sistemlərini araşdırır. Onlayn xəbər mənbələrindən kibertəhlükəsizliyə aid məlumatlarının toplanmasına və ictimaiyyətin istifadə edə biləcəyi veb-saytda nümayiş etdirilməsinə yönəlmiş layihənin işlənməsi də təsvir edilir. Layihənin əsas məqsədi kibertəhlükəsizliklə əlaqəli təhdidlərin qarşısının alınmasına kömək etmək üçün mövzu ilə bağlı ən son xəbərləri əlçatan etməkdir. Layihə istifadəçi interfeysi üçün Angular çərçivədən, server tərəfi funksionallığı üçün Python Flask-dan istifadə edən veb tətbiqi qurmaq və xəbər saytlarından məlumat toplamaq üçün veb scrapping botunu tətbiq etməklə həyata keçirilir. Diplom işi güclü təhdid kəşfiyyatı platformasının yaradılmasında elmi və praktiki ehtiyacı vurğulayır. Araşdırma təhdid kəşfiyyatı mövzusunun təkmilləşdirilməsində həm nəzəri əsasların, həm də praktiki tətbiqlərin həyata keçirilməsi ilə bitir.