PUA-larda kiberhücumların aşkarlanma üsullarının tədqiqi

Abstract

Magistr dissertasiya mövzusu əlaqədar tədqiqatların analizi ilə başlamış, qarşıya qoyulmuş bir neçə məsələ istiqamətində tədqiqatlar aparılmaqla aşağıdakı nəticələrlə yekunlaşmışdır: – Magistr işində insanların və PUA-ların itkisinin qarşısının alınması, mülki, sənaye obyektlərinə, əmlaklara vurulan zərərin aradan qaldırılması, təcavüzkarların PUA- lardan qeyri-qanuni yollarla istifadəsindən qorunma yolları, məxfiliyin pozulmasının qarşısının alınması və PUA-nın hədəfə çatmasına əngəl olan səbəblərin aradan qaldırılması məsələləri tədqiq edilmişdir; – Tədqiqat obyekti olaraq, DJİ Tello modelli dron, Python proqramlaşdırma dili və Kali Linux əməliyyat sistemi qəbul edilmişdir; – Pythonda dronun proqrama zərərli kod yerləşdirilərək səhv lokasiyaya göndərilməsi və əvvəlcədən daxilinə düzgün lokasiya yerləşdirilmiş dronun itməsinin qarşısını necə almaq lazım olduğu göstərilmişdir; – Kali Linux ƏS- nin köməyi ilə “Evil twin” hücumu həyata keçirilmiş və proses screenshotlar vasitəsi ilə nümayiş etdirilmişdir; – Wifi əlaqəli drona sızaraq, onun şifrəsinin ələ keçirilməsi prosesinin necə baş tutması və dronun konfiqurasiyalarına giriş prosesinin tədqiqatı aparılmışdır; – Kibertəhlükəsizlik hücumlarından qorunma üsulları təqdim edilmişdir.