E-DÖVLƏT MÜHİTİNDƏ İSTİFADƏÇİ ŞƏRHLƏRİNİN ANALİZİ ƏSASINDA GİZLİ SOSİAL QRUPLARIN AŞKARLANMASI

Abstract

E-dövlət mühitində idarəetmənin yaxşılaşdırılması, dövlətin təhlükəsizliyinin təmin olunması və dövlətə qarşı təbliğatın vaxtında aşkarlanması günümüzün aktual məsələlərindən biridir. E-dövlətdə dövlət əleyhinə fəaliyyət göstərən gizli sosial şəbəkələrin aşkarlanması e-dövlətin təhlükəsizliyinin təmin olunmasının əsas amillərindən biri hesab olunur E-dövlət mühitində səmərəli qərarların qəbulu və dövlət təhlükəsizliyinin təmin olunması üçün bu mühitin tədqiqi mühüm əhəmiyyət kəsb edir. Bunu nəzərə alaraq tədqiqat işində e-dövlət sistemi və bu sistemdə idarəetmənin yaxşılaşdırılması, dövlətə qarşı təbliğatın qarşısının alınması və təhlükəsizliyinin təmin olunması məqsədilə gizli sosial şəbəkələrin aşkarlanması üçün mövcud metodlar tədqiq olunmuşdur. Buraxılış işi 3 fəsildən ibarətdir: Birinci fəsil. Burada e-dövlət və e-dövlət sistemi üçün yaradılan informasiya sistemi haqqında məlumat verilmişdir. E-dövlətdə baş verən problemlər, e-dövlətin inkişaf mərhələləri, e-dövlət üzərində görülən işlər, E-dövlətin sosial şəbəkələrlə əlaqəsi göstərilmiş, üstünlükləri və çatışmazlıqları əsaslandırılmışdır. İkinci fəsil. Bu fəsildə sosial şəbəkə haqqında, sosial şəbəkələrin məqsədinin nə olduğu, onların həyatımızda rolu, sosial şəbəkələrdə yaranan problemlər haqqında məlumat verilmiş və sosial şəbəkələrin analizi və sintezi məsələləri tədqiq olunmuşdur. Üçüncü fəsil. Bu fəsildə kiber təhdid, e-dövlət mühitində gizli sosial şəbəkələrin aşkarlanması üçün mövcud metod araşdırlmış və təkliflər irəli sürülmüşdür. E-dövlət sahəsinin araşdırılmasında istifadə olunan ədəbiyyat və internet resurlar göstərilmişdir. İstifadə olunan ədəbiyyat. E-dövlət sahəsi ilə bağlı istifadə olunan ədəbiyyatlar və internet resurslarının siyahısı verilmişdir. Nəticə. Buraxılış işinin predmet sahəsinə uyğun olaraq e-dövlət sistemi araşdırılmış, bu sistemdə dövlətin təhlükəsizliyinin təmin olunması istiqamətində mövcud tədqiqatlar araşdırılmış, gizli sosial şəbəkələrin aşkarlanması üçün metod nəzərdən keçirilmiş, problemlər müəyyən olunmuş və yeni yanaşma təklif olunmuşdur.