SCADA sistemlərinin kibertəhlükəsizliyi üçün sinaq stendinin işlənməsi

Abstract

Bu dissertasiya işində SCADA (Supervisory Control and Data Acquisition) sistemlərinin kibertəhlükəsizliyini təmin etmək üçün sınaq stendinin işlənməsi araşdırılmışdır. SCADA sistemləri sənaye proseslərinin avtomatlaşdırılması və idarə olunmasında geniş istifadə olunur, lakin onların kibertəhlükəsizliyi ciddi təhlükə altındadır. Bu səbəbdən, mövcud boşluqların aşkar edilməsi və effektiv müdafiə tədbirlərinin sınanması vacibdir. Əsas məqsəd SCADA sistemlərinin kibertəhlükəsizliyini artırmaq üçün sınaq stendinin yaradılmasıdır. Bu məqsədə nail olmaq üçün, SCADA sistemlərinin kibertəhlükəsizlik boşluqlarının müəyyənləşdirilməsi, risklərin qiymətləndirilməsi və təhlili, müdafiə tədbirlərinin effektivliyinin sınaqdan keçirilmişdir. Tədqiqat çərçivəsində təcrübə, modelləşdirmə və simulyasiya metodları tətbiq edilmişdir. Yenilikçi sınaq stendi SCADA sistemlərinin real şəraitdə kibertəhlükəsizlik sınaqlarının aparılmasına imkan verir. Bu stendin yaradılması, mövcud həllərdən fərqli olaraq, daha müasir və təsirli müdafiə mexanizmlərini sınamaq imkanı təqdim edir. Tədqiqatın nəticələri göstərir ki, təklif olunan sınaq stendi SCADA sistemlərinin kibertəhlükəsizliyinin təmin olunmasında mühüm rol oynaya bilər. Təcrübələr nəticəsində əldə edilən məlumatlar SCADA sistemlərinin təhlükəsizliyini artırmaq üçün praktiki tövsiyələr verir.